СЕГОДНЯ КЫЗЫЛ ОТМЕЧАЕТ СВОЙ 105-ЛЕТНИЙ ЮБИЛЕЙ! МЭР ГОРОДА КАРИМ САГААН-ООЛ ПОЗДРАВИЛ ЖИТЕЛЕЙ И ГОСТЕЙ СТОЛИЦЫ С ЭТИМ ЗАМЕЧАТЕЛЬНЫМ СОБЫТИЕМ
-
7 сентября 2019
Городская афиша
Хүндүлүг чаңгыс чер - чурттугларым!Эргим кызылчылар болгаш найысылалывыс Кызылдың аалчылары!
Бөгүн бис өөрүнчүг болгаш чоргааранчыг байырлалды демдеглеп эрттирер аас-кежиктиг бооп турар бис. Кижиге хамаарыштыр 105 харны канчаар-даа аажок улуг мөнге назын дээр бис, а Кызыл хоорайывыска хамаарыштыр ол болза дадыккан назын болуп турар.Байырлыг хемчеглерни эрттирип тура, Кызылывыстың төөгүзүнче хая көрнүп, ада-өгбелеривистиң кылып келген ажыл-херектерин үнелеп, оларга хүндүткелди көргүзүп, түңнелдерни үндүрүп, келир үеже сорулгаларны салып турар бис.Тываның төвү чаагайжытынып, аян-шинчи кирип турары каракка көскү. Республикавыс Чазааның деткимчезиниң, күжениишкинниг удуртулгазының туннелинде сайзырап, хөгжүп турарын демдеглеп каары чугула.«Эки кылган ажыл – элеп читпес алдар» деп тыва улустуң мерген угаадыглыг үлегер домаа амгы үеде найысылалывыста болуп турар өскерлиишкиннерниң херечизи. Найысылалывыс моон-даа соңгаар улуг чедиишкиннерлиг болур дээрзинге кандыг-даа чигзиниг чок.Кызылдың эрткен оруу - алдын ужуктер. Олар төөгүнүң алдын арыннарын арттырып каан, ынчангаш моон-даа соңгаар алдын төөгү уламчылаарынга бүзүрээр мен!Азия диптиң чурээнде, Каа-Хем биле Бии-Хемниң каттышкан белдиринде Кызыл хоорайывыс ам-даа өзүп-мандып, улам сайзыраар. Кандыг-даа ажылды ак сеткилдиг кылып чоруур-ла болзувусса, ажыл-херээвис бүдүп, чоруувус чогуур. Ынчангаш Кызыл хоорайывыстын 105 харлаан байырлалы-биле быжыг кадыкшылды, аас- кежикти, ак орукту, тайбың дээрни чүрээм ханызындан күзээр-дир мен.Найысылалывыстың бурунгаар сайзыралы – бистиң холувуста!Кижи бүрүзүнүң изиг кузели – чурээнде!Байырлал-биле, эргим чонум!